Thursday, 10 January 2013

Amir Sampuraga - Tauncang

Lirik Lagu Tauncang - Amir Sampuraga

(Lagu Kim)

Ka ladang mari ka ladang, ka ladang batanam padi
Lah sudah batu do goyang, bamain kito kambali
Karanggo samuik nan sirah, di adu ndak namuah manang
Bamain usahlah lengah, kok anguih tangguangkan surang

Di angkek batu partamo, apo angko nan tibo
Hati-hati manjago, si muncak pulang baburu
Dapek ruso balang kaki, di hati lai ka tuju
Induak samang sato manggali, tujuah puluh satu

Di tampih bareh ditampi, di indang ba dadak juo
Di ganti alah diganti, nan lamo taraso juo
Sapuluah nan dicari, di sinan mamak manjago
Baralah sanang hati, hadiah raso ka punyo

Lah sudah batu digoyang, dangakan tarang-tarang
Apo angko nan tibo, urang Medan pandai batanam
Batanam si buah lado, nan punyo denai mandamam
Dek ulah suduik matonyo, salapan puluah anam

Malenggok si rantiang pinggang, nan gapuak indak ba pinggang
Lah jaleh awak tauncang, si oyong juo datang
Dek kawan ndak manenggang, tapaso denai barutang
Bini den lah berang-berang, salapan paniang surang

Nak ketek kalengkong peong, babanak ka ampu kami
Dari ketek bamain serong, lah gadang mancari laki
Dek acok inyo tadorong, dapek laki bujang gadih
Satu manyasa diri, nyo tajun banda bakali

Samsudin kawan samsudin, salapiak sapatiduran
Dek ulah rayuan setan, lah nyo santuang tipi kawan
Barangkek inyo ka Medan, tatangkok di Sibintuan
Lapan puluah lapan, coretlah kupon tuan

Katupek di Bangkahulu, dimakan di hari rayo
Lah panek denai manunggu, nan adiak ndak kunjuang tibo
Mungkin karano malu, dijadikan bini mudo
Ampek puluah satu, disinan mangko tabedo

Lah tarang bulan cuaco, nak udo manjalin cinto
Kok umua bialah tuo, nan salero mudo juo
Mandaki baibo-ibo, manurun lah sandek pulo
Ampek baleh nan tibo, nasib gaek abogo

Balawan tongkang balabuah, hari patang bongka suah
Dek ulah acok mangicuah, kawan arek jadi musuah
Salapan puluah tujuah, alun juo ado namuah
Malompek takuik tajatuah, cari ampek puluah tujuah

Si inang palayan seksi, tiok malam cari laki
Pai sanjo pulang pagi, nomor anam di isi
Merpati diawan biru, maraok ka ladang urang
Dek ulah ndak punyo malu, tiok lapau nyo barutang

Babunyi puyuah dihutan, manyauikgagak di rimbo
Babini jo urang hutan, awak lah manjadi karo
Kok dapek parangai setan, honor kawan disantuang juo
Baitu malang badan, anam puluah salapan

No comments:

Post a Comment

anda sedang bernyanyi? jika ada reques lirik silahkan komentar bro :*

Pages